بادم پۂاڑ

            حضرت سید شاہ عبدالقادر میران شاہ ولی اللہ

                          بادام پہاڑ کے صوفی بزرگ

نواب سعادت اللہ خاں (1710–1732) کے دور میں آارکاٹ (شہر صوفی بزرگوں  اور علم و عرفان کا مرکز تھا۔ ان بزرگوں نے اسلامی تعلیم، اردو اور فارسی ادب کی ترویج میں نمایاں خدمات انجام دیں.                                                 ۔

انہی میں ایک بزرگ حضرت سید شاہ حاجی عبدالقادر، جومیران شاہ ولی اللہؒ کے نام سے مشہور ہوئے، نہایت جلیل القدر صوفی تھے۔ آپ نواب سعادت اللہ خاں کے زمانے میں حیات تھے۔ آپ کے والد کا نام حضرت سید شاہ وزیر اللہ حسینی اور دادا کا نام حضرت سید ہاشم خدواند ہادی تھا، جو حضرت گیسو درازؒ کیےسلسلے سے تھے۔ آپ کو تصوف  سے گہری دلچسپی تھی۔ آپ نے اپنے چچا حضرت ابوالبرہان میران شاہ حسینی کے دستِ حق پر بیعت کی، سلوک کے تمام مدارج طے کیے اور خلافت سے سرفراز ہوئے.                                                                ۔

ڈاکٹر افضل الدین اقبال لکھتے ہیں کہ سید میران شاہ ولی اللہؒ اور ان کے فرزندوں نے علم و ادب کی خدمت میں گراں قدر کردار ادا کیا۔ انہوں نے اسلام کی تبلیغ میں خصوصی محنت کی اور دکنی اردو کو ذریعۂ تبلیغ بنایا۔ آپ کے صاحبزادگان میں حاجی مزید الدین حسینی، رہبر شاہ درویش، حضرت شاہ محمد آارکاٹی (جنہیں شاہ  محمد حق نما بھی کہا جاتا ہے)، اور حضرت سید.       شاہ صدر الدین حسینی مشہور ہوئے.                                         ۔

آپ کی رہائش آدم پہاڑ نامی مقام پر تھی، جو آرکاٹ اور میل وشارم سے تقریباً 10 کلو میٹر کے فاصلے پر ایک چھوٹا سا مسلم بستی والا گاؤں ہے۔ اب  اسے بادام پہاڑ بھی کہا جانے لگا۔ پہاڑ کے دامن میں ایک مسجد اور چوٹی پر ایک چھوٹی مسجد آپ کے مزارِ  کے سامنے واقع ہے۔ آپ اکثر اوقات پہاڑ کی چوٹی پر تنہائی میں عبادت و ریاضت میں مشغول رہتے، اسی سبب آپ کو “منزل الجبلین” (دو پہاڑوں کے درمیان رہنے والا) کہا جانے لگا۔ جب کبھی پہاڑ سے نیچے آتے تو لوگوں کو علم و دین کی تعلیم دیتے۔

آپ کے فرزند حضرت سید شاہ محمد آارکاٹیؒ نے اپنی تصنیف خزانہ عبادت میں اپنے والدِ گرامی میران شاہ ولی اللہؒ کو صاحبِ کرامت بزرگ قرار دیا ہے۔ ۔

آپ کے مزار کے قریب ایک چھوٹا سا تالاب ہے جس کا پانی کبھی خشک نہیں ہوتا، اور روزانہ اس میں کنول کے پھول کھلتے ہیں اگرچہ اب وہ پانی پینے کے قابل نہیں، مگر قدیم زمانے میں لوگ اسے  پیتے تھے.                                                                   ۔

جیسا کہ پہلے ذکر ہوا، حضرت میران شاہ ولی اللہؒ نے دکنی اردو ادب میں قیمتی خدمات انجام دیں۔ آپ کی تصنیف خلاصۃ               الرویت میں ذاتِ باری تعالیٰ، صفاتِ الٰہی، اور مراقبۂ موضوعات پر بحث کی گئی ہے.                                          ۔

نواب سعادت اللہ خاں کو آپ سے بے پناہ عقیدت تھی۔ انہوں نے دلدار خاں کے ذریعے آپ کو نیلمنگلم (بنگلور سے ٹمکور کی سمت تقریباً 16 میل کے فاصلے پر) سات دیہات بطور نذرانہ پیش کیے، مگر آپ نے  و ھاں  جا نا  پسند نۂ کیا اور اپنی عبادت و گوشہ نشینی بادام پہاڑ پر جاری رکھی۔                                       ۔

آپ کا وصال 11 نومبر 1733ء (4 جمادی الآخر 1146 ہجری) کو ہوا۔ آپ کی تدفین بادام پہاڑ کی چوٹی پر ایک بڑے پتھر کے نیچے کی گئی۔                                                                        ۔

ڈاکٹر حبیب النساء بیگم اپنی کتاب جواہراتِ میسور میں ڈاکٹر سید شمس اللہ قادری کے حوالے سے بیان کرتی ہیں کہ حضرت میران شاہ کے فرزند حضرت شاہ محمد عارکوتیؒ رامگیر کے قاضی تھے۔ قضا کے فرائض کے ساتھ ساتھ وہ علمی و ادبی تصانیف بھی لکھتے رہے۔ ان کی ضخیم تصنیف خزانہ عبادت (1165 ہجری / 1753ء) ان کے علم و فضل کا ثبوت ہے۔ اس کتاب میں توحید، کلمہ، اذان، نماز وغیرہ کے اصول بیان کیے گئے ہیں۔ انہوں نے ایک اور مشہور کتاب خزانہ معرفت بھی تصنیف        کی جو معرفت و تصوف پر مبنی ہے۔                                 ۔                           

اسی طرح ان کے بھائی حضرت شاہ صدر الدینؒ بنگلور کے قریب نیلمنگلم منتقل ہوئے، جہاں انہوں نے دینِ اسلام کی تبلیغ کی۔ ڈاکٹر ہاشم علی کے مطابق حضرت ٹیپو سلطانؒ نے بھی حضرت شاہ صدر الدینؒ کے ہاتھ پر بیعت کی تھی۔ انہوں نے بھی دکنی اردو میں کئی تصانیف لکھیں جن میں مرآت الاذکار، مصباح النور، من مدن، اور مرآت الاسرار شامل ہیں، جو سب تصوف کے موضوع پر ہیں۔                                                             ۔

 بقو ل حضرت مولانا حافظ ملک گلزار احمد صاحب  حضرت میران شاہ  ولی اللہؒ کی کچھ اولاد امریکہ ہجرت کر گئی۔ ان میں سے ایک ان کے شاگرد بھی تھے جو مدرسہ باقیات الصالحات،       ویلور میں تعلیم حاصل کی 

حضرت مولانا ڈاکٹر راہی فدائی صاحب لکھتے ہیں کہ حضرت میران شاہ ولی اللہؒ نے میل وشارم اور اطراف میں اردو زبان کے فروغ میں نمایاں کردار ادا کیا۔                                           ۔

اس مضمون کی تدوین میں جن کتب و مضامین سے استفادہ کیا گیا۔                                                                            ۔    

* تاریخِ اردو ادب در تمل ناڈو از ڈاکٹر علیم سبا نویدی

* اکتسابِ نظر از ڈاکٹر راہی فدائی صاحب

* مدراس میں اردو ادب کی نشونما از ڈاکٹر افضل الدین اقبال صاحب

* جواہراتِ میسوراز ڈاکٹر حبیب النساء بیگم

* ڈاکٹر ہاشم علی کا مضمون (رسالہ صبرس، نومبر 1978)

اللہ تعالیٰ ان سب اہلِ علم کو جزائے خیر عطا فرمائے۔

میں اللہ رب العزت کا شکر گزار ہوں کہ اس نے اپنے ایک برگزیدہ۔     بندے کے بارے میں لکھنے کی توفیق عطا فرمائی۔                  ۔

یس۔ محمد سعادت اللہ 

میل وشارم

31/10/2025